ಆಹ್ವಾನ 

                        
                   ನಡುಗಿಸು ತಾಯೆ ಖಳರೆದೆ ನಡುಗಿಸು ತಾಯೆ 

                         ಗುಡುಗುತ ಖಡ್ಗವ ಝಳಪಿಸಿ ನಡುಗಿಸು ತಾಯೆ ..|

                         ಕಂಡಿಹರು ನಿನ್ನಯ ಶುಭ-ಸೌಮ್ಯದ ವದನ

                         ಕಾಣರು ಚಾಮುಂಡಿಯ ಭೀಕರ ಅವತರಣ 

                         ಜಲಜಾಕ್ಷಿಯೇ ತೋರು, ನೆತ್ರದಿ ಅಗ್ನಿಯ ತನನ 

                         ರಕುತದ ಒಕುಳಿಯಾಡು, ಮಾಡುತ ರಿಪುದಮನ ||

                         ತ್ರಿಶೂಲಭೂಷಣೆ ಮಹಿಷಾಸುರ ಮರ್ದಿನಿ ನೀನು 

                         ತಾಮಸಿಗಳ ಸದೆಬಡಿಯುವ ಪ್ರಳಯದೇವಿ ನೀನು,

                         ಭಾರತಮಾತೆಯೇ, ದುರ್ಗೆಯ ನವನವ್ಯಾಕೃತಿಯೇ

                         ಸುಮ್ಮನೆ ಇಹುದೇಕೆ ?, ಶತ್ರುವ ಶಮಿಸದೆ ಇಂದೇ ||

                         ಭಯಗೊಂಡಿಹರು ನಾಡಿನ ಜನರೆಲ್ಲರೂ ಬಹಳ

                         ಸಹಿಸದೆ ದುರುಳರು ಹಿಂಸಿಸಿ ಕೊಡುತಿಹ ಕಷ್ಟಗಳ..

                         ರಕ್ಕಸರ ಸೊಕ್ಕಿನಟ್ಟಹಾಸವ ಮೆಟ್ಟುತಲಿ..

                         ಬಾ ತಾಯೆ ಭಾರತಿ, ಕೆಸರಿವಾಹನೆ ಕಾಳಿ...||

(ಚಿತ್ರಕೃಪೆ - exoticindiaart.com )