ಸುಂದರ..ಭಾರತ..

                              
                              ಆಹಾ ಎಂತಹ ಪಾವನ ನಾಡು 

                                 ನಮ್ಮೀ ಸುಂದರ ಭಾರತ..

                              ವರ್ಣನೆಗೂ ನಿಲುಕದ ಕಲೆಬೀಡು

                                 ಕವಿಗಳಿಗೂ ಇದು ಸಮ್ಮತ...

                              ಸ್ವರ್ಗದ ಅಮರರು ಕಾಯುತಲಿಹರು 

                                 ಜನಿಸಲು ಭಾರತಭೂಮಿಯಲಿ..
                              ಸಾರಿವೆ ವೇದ-ಪುರಾಣಗಳಿದನು

                                 ಸಂಶಯ ಬೇಡ ಈ ಮಾತಿನಲಿ...

                              ಭುವಿಗಿಳಿಯಲು ಗಂಗೆ ಆರಿಸಿಕೊಂಡಳು,

                                 ಪವಿತ್ರ ಭಾರತ ಭೂಮಿಯನೆ..

                              ಸಿರಿ ಬಂದಳು ಮುನಿಸಿ ಪತಿ ಮೇಲಿಲ್ಲಿ,

                                 ಇದಲ್ಲವೇ ಅವಳ ತವರು ಮನೆ..

                              ಆದರ್ಶ ರಾಮನಾಳಿದ ಮಹಸಂಸ್ಥಾನ,

                                 ವೀರ ಹನುಮನುದಿಸಿದ ತಾಣ..

                              ಶ್ರೀಕೃಷ್ಣನ ಲೀಲೆಗಳುದ್ಯಾನವನ,

                                 ಸ್ವರ್ಗವೂ ತಾಳಿದೆ ಬರಿ ಮೌನ...

                              ಮಹಿತಮಹಾಮಹಿಮರು ಜನಿಸಿಹ ಈ  

                                 ಪುಣ್ಯ ನಾಡೊಳೆನ್ನಯ ಜನನ..

                              ಪೂರ್ವ ಜನ್ಮಗಳ ಸುಕೃತವಲ್ಲದೇ,

                                 ಮತ್ತಿನ್ನೇನಿದೆ  ಕಾರಣ !!??....||